Siddhartha –Efsaneyeke Hindî

Siddhartha wekî berhema sereke ya nivîskarê xwedîyê Xelata Nobelê Hermann Hesse tê hesibandin. Siddhartha cara yekem 1922an de derket, û heta niha bo 54 zimanan hatîye wergerandin. Siddhartha ji bo xwendevanan bangewazîya avakirina jiyaneka nû dike. Hesse di Siddharthayê de bi vegêraneke mîstîk û bi şêwazeka helbestî salên ewil ên jiyana Buddha vedibêje. Siddhartha dixwaze bigihîje agahîya rastin û bibe Buddha. Ji ber vê ji malbata xwe ya esilzade vediqete tevlî çîlekêşan (samanan, parsekan) dibe. Gelo ev lêgerîna wî dê bigihîje kîjan encamê? Hesse bersiva vê pirsê dide: ‘‘Mirov dikare agahîyê derbasî kesekî/ê bike, lê aqilmendîyê na. Aqilmendî dikare bê kifşkirin, dikare bê jiyîn, dikare mirovan payebilind bike, mucîzeyan derxîne holê lê nikare bê vegotin û fêrkirin.” Ev pirtûka hêja ya Hermann Hesse ya bi efsûnan xemilandî, cara pêşî ye ji alîyê Weşanxaneya Rûpelê ve, bi wergera Huseyîn Kartal, bı kurdî derketîye û cihê xwe di nava pirtûkxaneya kurdî de girtîye.