Helbestên Bi Helwest

Nivîskar bi helbesta xwe, sekna xwe li hemberî şaşî û kêmasiyên civakî dide nîşan; bi taybetî jî li hemberî kiryarên şaş yên pêşeng û sazîyên kurdan. Ew bi helbesta xwe bûye nûnerê kesên bi helwest ên hemberî wan şaşiyan. Mirov di helbestên Omer Peyanis de, temayeke gelek xurt ya girêdana nirxên hevaltî û kurdbûnê ve dibîne. Bi helbesta xwe pîroziya hevaltiya rasteqîn û girêdana nirxên pîroz yên gelê kurd datîne holê. Yek ji girîngiya helbesta nivîskar dewlemendiyên peyv û temayên kurdî ye. Nivîskar, ku di nava çanda dewlemend ya Colemêrgê de mezin bûye, kariye bi awayekî serkevtî, wê dewlemendîyê di helbestên xwe de bide nîşan.