Berxê Nêr

Nivîskar di vê romana xwe de çîroka karakterekî “bêkarakter” vedibêje. Berxo yê ji gundekî çiyayî (û xeyalî) yê Misircê/Kurdistanê ye wekî gelek xortên Kurdistanê berê xwe dide Marmarîsa bajarê turîzmê. Armanca Berxo bi çûna Marmarîsê ne kar û xebat lê kêf û tolazî ye, lê piştî ku xebera şewitandina gundê wan digihîjê, biryarê dide ku “xwe ji bo malbatê feda bike” (?). Berxo di 18 beşên romanê de ku carê dema niha ye carê bi flash-backan dema borî ye, geh jiyana rastîn dijî geh dikeve nav xeyalên îrrealîst yên bixof. Roman ji aliyekê ve awirekê dide jiyana li gundên Kurdistanê yên di bin pêkutiyên leşker û cerdevanên dewletê de û ji aliyê din ve berê xwe dide jiyana “nifşê xêrjixwenedîtî”.