Berbang Jî Şahid E

Nivîskar di vê berhemê de behsa kuştinên salên 90î dike ku hemû kesên wan salan jiyayî bi awayek ji awayan bûne şahid. Nivîskar bi şahidiya kesên ji rêzê yên ji beşên cuda yên civakê xwendevan jî dike şahida/ê kuştina belvkarek ji belavkarên zarok yên rojnameyê ku navekî wan ê din jî “Genralên Apê Musa” bû. Adnan Çelik di hejmara 10an ya Toplum ve Kuramê de ji bo vê pirtûkê wisa nivîsandibû: “Romana Amed Çeko Jiyan a bi navê Berbang jî Şahid e kuştinên Hizbullahê yên li dijî sivîlan bi şahidiyên karakterên sade ku bi rengekî edebî hatine afirandin, vedibêje.” Omer Delikaya jî di nirxandina taybet û berfireh ya li ser vê pirtûkê de ku di hejmara 7an ya Kovara Wêje û Rexneyê de weşandiye, wisa nivîsandiye: “Jixwe vegêr salixê qetlê bi rengekî wisa dide ku têkilîya ku wê demê di navbera JI-TEM û Hîzbullahê de hebû bi aşkereyî dîyar dike… Di pirtûkê de barçav e ku nivîskarê ciwan A. Çeko Jiyan, bi honaka xwe ya serkeftî wêneyekî baş ê salên 90î bo xwînerên xwe berpêş kiriye di şexsê lehengên cihêreng de.”